Tuesday 20 April 2010 |
0
അഭിപ്രായ(ങ്ങള്‍)
ഭൂമി മരണാസന്നം പ്രതി നമ്മള്‍
നമ്മളെ കാത്തിരിക്കുന്നത് ദുരന്തങ്ങളുടെ നാളുകളാണെന്ന് പല പരിസ്ഥിതി വിദഗ്ദരും നമ്മെ ഓര്‍മ്മപെടുത്തുന്നു.ഭൂമി ഇല്ലാതാവുന്ന ഒരവസ്ഥ ആ ചിന്തകള്‍ പോലും നമ്മെ പേടിപ്പിക്കുന്നതാണ്‍.ഭൂമിക്ക് പനീ കൂടി കൊണ്ടേയിരിക്കുന്നു സൂര്യതാപനത്തില്‍ സര്‍വ്വം കത്തിചാംപാലാകുന്ന അവസ്ഥയെ കുറിച്ച് പറഞ്ഞു തുടങ്ങിയിട്ട് കാലമേറെയായെങ്കിലും ഒരു വലിയ ദുരന്തം പടിവാതില്‍ക്കല്‍ എത്തിയപ്പോളാണ് പലരും ഉറക്കമുണര്‍ന്ന് തുടങ്ങിയത്.ദിനം പ്രതി അന്തരീക്ഷത്തില്‍ എത്തുന്ന കാര്‍ബണ്‍ ഡൈ ഓകസൈഡ്,മീഥൈന്‍ നൈട്രസ് ഓകസൈഡ്,ക്ളോറോ ഫ്ളൂറോ കാര്‍ബണൂകള്‍,നീരാവി തുടങ്ങിയ ഹരിതഗൃഹ വാതകങ്ങളൂടെ അളവ് കൂടികൊണ്ടേയിരിക്കുന്നു. ഇവ പുതപ്പ് പോലെ പ്രവര്‍ത്തിച്ച് സൂര്യപ്രകാശത്തിലുള്ള ഇന്‍ഫ്രാറെഡ് കിരണങ്ങളെ പുറത്തേക്ക് വിടാതെ തടഞ്ഞു നിര്‍ത്തുന്നു.ഹരിത പ്രഭാവം എന്ന ഈ പ്രതിഭാസമാണ്‍ ഭൂമിയുടെ ചുട്ടു പൊള്ളുന്ന ഈ അവസ്ഥയ്ക്ക കാരണം കല്‍ക്കരി,പെട്രോളിയം,പ്രകൃതി വാതകം തുടങ്ങിയ ഫോസില്‍ ഇന്ധനങ്ങളുടെ ജ്വലനവും വിവേചന രഹിതമായ വ്യവസായ പ്രവര്‍ത്തനങ്ങളും ഹരിത പ്രഭാവമുണ്ടാക്കാന്‍ വഴിയൊരുക്കുക മൂലം ഗ്ളോബല്‍ വാമിങ്ങിനും നമ്മുടെ രക്ഷാകവചമായ ഓസോണ്‍ പാളിയുടെ നാശത്തിനും വഴിയൊരുക്കുന്നു.വനങ്ങള്‍ വെട്ടി നശിപ്പിക്കുക മൂലം നമ്മുടെ വനസംപത്തിലുണ്ടായ ഗണ്യമായ കുറവാണ് അന്തരീക്ഷത്തില്‍ കാരബണ്‍ഡൈ ഓക്സൈഡിന്റെ അളവ് കുട്ടനുള്ള കാരണം.ഹിമാലയവും അന്‍റാര്ട്ടിക്കയും ഉള്‍പ്പെടെയുള്ള മഞ്ഞുമലകള്‍ അതിവേഗത്തില്‍ തന്നെ ഉരുകി തീരുമെന്നും ഇത് മൂലം സമുദ്രനിരപ്പ് ഉയരുകയും ഭൂമിയുടെ നല്ലൊരു ഭാഗം ജലത്തിനടിയില്‍ ആകുമെന്നും സമുദ്രനിരപ്പ് ഉയരുന്നത് മൂലം ദുരിതമനുഭവിക്കുന്ന രാജ്യങ്ങളില്‍ ഒന്ന് ഇന്ത്യയാകുമെന്ന് വിദഗ്ധര്‍ മുന്നറിയിപ്പ് നല്‍കുന്നു.കടല്‍ജലത്തില്‍ അലിഞ്ഞുചേരുന്ന കാര്‍ബണ്‍ഡൈയോക്സൈഡിന്റെ അളവു കൂടുന്നത് വഴി കടല്‍ ജലത്തില്‍ അമ്ളാംശം കൂടുകയും സമുദ്രോദ്യാനമായ പവിഴപ്പുറ്റുകളും മത്സ്യ സമ്പത്ത് അടക്കമുള്ള ജൈവസംപത്തിന്‍റേയും നാശത്തിന് വെക്കുകയും ചെയ്യും.ലോകത്ത് ദിനംപ്രതി നമ്മള്‍ക്ക് നഷ്ടമാകുന്നത് 250ചതുരശ്ര അടി വനമേഖലയാണ്.അന്തരീക്ഷത്തിലുള്ള കാര്‍ബണ്‍ ഡൈ ഓക്സൈഡിനെ ആഗിരണം ചെയ്ത് പ്രാണവായുവിനെ പുറംതള്ളുന്ന വനമേഖലയുടെ നാശം ഭൂമിയുടെ നിലനില്‍പ്പിനെ തന്നെ ബാധിക്കുമെന്നതില്‍ തെല്ലും സംശയമില്ല.സൂര്യകിരണങ്ങളില്‍ നിന്നും നമ്മുടെ ആവാസവ്യവസ്ഥയെ തന്നെ രക്ഷിക്കുന്ന ഓസോണ്‍ പാളിയില്‍ ഉണ്ടാകുന്ന വിള്ളലുകള്‍ നമ്മുടെ നിലനില്‍പ്പിനെ തന്നെ ബാധിക്കും വിധം അപകടകരമാണ്
പ്രതീക്ഷാ നാമ്പുകള്‍
ഹരിത വാതകങ്ങള്‍ പുറത്തു വിടാത്ത ഇന്ധനശ്രോതസ്സുകളാണ്‍ വരും കാലത്തിന്റെ രക്ഷ.ഹൈഡ്രജന്‍ ഇന്ധനസെല്ലുകളും,സൌരോര്‍ജ്ജസെല്ലുകളും നാനോ സോളാര്‍ സെല്ലുകളൂമൊക്കെ പുത്തന്‍ പ്രതീക്ഷകളാകുന്നു.ബാക്ടീരിയയെയും മറ്റും ഉപയോഗപ്പെടുത്തുന്ന മൈക്രോബിയല്‍ ഫ്യൂവല്‍ സെല്ലുകളും,ബയോഡീസലും ഇലകളില്‍ നിന്നു വൈദ്യുതി ഉല്‍പാദിപ്പികാമെന്ന കണ്ടു പിടിത്തവുമൊക്കെ പ്രത്യാശക്ക് വകനല്‍കുന്നവയാണ്‍.ഓസോണ്‍ പാളികളുടെ വിള്ളലടക്കുന്ന നാനോ റോബോറ്ട്ടുകളും സമീപകാലങ്ങളില്‍ രംഗപ്രവേശം ചെയ്തേക്കാം.അന്തരീക്ഷത്തിലെ കാര്‍ബണ്‍ഡൈ ഓക്സൈഡിനെ ഇന്ധനമാക്കി മാറ്റാമെന്ന അവകാശവാദവുമായി കാലിഫോറ്ണ്ണിയയിലെ ഒരു കൂട്ടം ശാസ്ത്രഞര്‍ രംഗത്തെത്തി കഴിഞ്ഞു.ഭൂമിയുടെ അടിത്തട്ടിലെ പാളികളിലേക്ക് കാര്‍ബണ്‍ഡൈയോക്സൈഡിനെ കടത്തിവിട്ടാല്‍ നൂറ്റാണ്ടുകളോളം അത് കുമിളകളായി കുരുങ്ങി കിടക്കുമെന്ന് മറ്റൊരു കൂട്ടം ശാസ്തഞ്ജ്ജന്‍മാരും രംഗത്തെത്തിയിട്ടുണ്ട് ഈ വാര്‍ത്തകളെല്ലാം പ്രതീക്ഷ നല്കുന്ന വയാണെങ്കിലും ഇവ പ്രാവര്‍ത്തികമാവാന്‍ സമയമെടുത്തേക്കാം.അത് വരെ കാത്തുനില്‍ക്കാതെ ഭൂമിയെ രക്ഷിക്കാനുള്ള പ്രവര്‍ത്തനങ്ങള്‍ ആവിഷ്കരിച്ച് മുന്നോട്ട് പോയേതീരൂ ഓര്‍ക്കുക നിങ്ങള്‍ നടുന്നത് ഒരു വൃക്ഷ തയ്യാകാം,തടയുന്നത് മരം മുറിക്കുന്നതിനെയാകാം അതിലൂടെ നിങ്ങള്‍ നേടൂന്നത് നിങ്ങള്‍ക്കും കുടംബത്തിനുമുള്ള പ്രാണവായുവാണ്.ലോകം മുഴുവന്‍ പ്രകൃതിയെ രക്ഷിക്കാനുള്ള ശ്രമങ്ങള്‍ തുടങ്ങി.നമ്മുടെ വനമേഖലയെ രക്ഷിക്കാന്‍,തലയെടുപ്പോടെ നില്‍ക്കുന്ന ഹിമവാനെ സംരക്ഷിക്കാന്‍ അത് വഴി നമ്മുടെ പൂര്‍വ്വികര്‍ നമുക്കായ് കാത്തു സൂക്ഷിച്ച പ്രകൃതി സമ്പത്ത് വരും തലമുറക്കായ് നമുക്കും കാത്തു സൂക്ഷിക്കേണ്ടതുണ്ട്.അതിനായി പ്രവര്‍ത്തിക്കാന്‍ ഒരാളെ പ്രേരിപ്പിക്കാന്‍ ഈ ലേഖനത്തിനായാല്‍ ഞാന്‍ കൃതാര്‍ത്ഥനായി.
പാഥേയം ഈ മാഗസിനില്‍ വന്ന എന്‍റെ ലേഖനം
ലേബലുകള്‍:
എന്‍റെ ചിന്തകള്‍
